احب اوريكم صورة موضحه اولا للمشكله او الرساله اللي تطلع فوق سلة المشتريات وطبعا هذا الشكل يظهر لكم لما تتصفحون موقع اي هيرب عن طريق جوالاتكم او الايباد او النوت:
طبعا اتمنى ان الصورة واضحه ومثل مارسمت لكم بالاحمر وحطيت دائرة بالاحمر على الاشياء المهمة.
اولا: اذا طلعت لكم الرسالة الي فوق بالاحمر وهي:
Your cart contains out of stock or discontinued products. Please remove them before proceeding to Checkout.
فهذي معناها ان سلة مشترياتك ( او قائمة طلباتك) تحتوي على منتجات منتهية او مخلصة او مثل مانقول بالعامية مستحيل ان موقع اي هيرب يوفرها لنا مرة ثانية :(
اسفة ادري اني احبطتكم! بس اتطمنوا فيه حل!
اولا
1- اذا طلع لك تحت اي منتج بسلتك عبارة Out of stock فهذا معناه انه المنتج خلص وان شاء الله راح يتوفر قريبا ولكن انتظري مسألة وقت واحيانا اي هيرب يوفرونه بسرعه واحيانا يتأخر شهر او حسب مزاج اي هيرب. والحل الوحيد انك تراقبين المنتج او تحجزينه وتخلين اي هيرب يراسلونك لما يتوفر المنتج، شرحت طريقة الحجز من قبل اذا حبيتي تشوفين شرح بالتفصيل عنها ادخلي هذي الصفحة:
حل المشكلة
احذفي المنتج من سلة مشترياتك حتى تتمكنين من الاستمرار في الدفع وشراء طلباتك الثانية، ووضحت لك طريقة الحذف فوق بالصورة.
ثانيا
2- اذا طلع لك تحت اي منتج بسلتك عبارة Discontinued فهذا يعني انها انتهت من موقع اي هيرب ولايمكن ان يوفرها لنا! مالها حل الا تحذفينه او تنتظري يمكن اي هيرب يطلعون منتج جديد من نفس الشركه مثل ماحصل باحدى المرات معي لما انتهى المنتج نهائيا وبعد فترة طويلة لقيته متوفر من جديد بس بشكل مطور يعني الشركة الخاصة بالمنتج طلعت شكل جديد او نيو لوك للمنتج عشان كذا اي هيرب كنسلوه ولغوه من موقعهم بالمرة الاولى.
حل المشكلة
احذفي المنتج بنفس الطريقة اللي وضحتها لك بالصورة فوق.
وهذي صورة موضحه لمنتج طلبته وطلع مخلص بشكل نهائي للاسف
عبارة عن كوب قهوة للسفر، كان نفسي اشتريه بس خلص بنفس اليوم سبحان الله!
هذا كل شي واذا عندكم استفسارات لاتترددوا بالسؤال عن طريق التعليقات تحت.